Бу сокуон Саха Республикатын Төрүт сокуонун (Конституциятын) 22-с ыстатыйатын 4 пуунун толоостук кэЇэн туран национальнай-региональнай киллэЇиги суох оҥорорун мустубут дьон бука бары утардылар, талбыт депутаттара хайдах-туох куоластаабыттарын токоолоЇон билиэх буоллулар.
Е.П.Жирков Россия таЇымнаах общественнай, политическай деятель, Госдума депутата этэ, саха саарына. Күн бүгүн Егор Петрович Саха конгреЇын салайааччыта, Ил Түмэҥҥэ "Единая Россия" политическай партия испииЇэгинэн үЇүс киЇинэн киирбит депутатынан буолар.
Ил Түмэн депутаттара, "Единая Россия" партия чилиэннэрэ Е.Х. Голомарева, О.А. Винокурова "ҮөрэхтээЇин туЇунан" Саха Республикатын сокуонугар киллэрбит бырайыактарын - партийнай фракция алҕаЇын - парламент хатылыа суохтаах диэн Е.П.Жирков сиэрдээх этиитин депутаттарбыт истибэтэхтэр, сокуон бырайыагын бастакы ааҕыыга ылыммыттар. Саха тыла 50 сылынан суох буолуохтаах, симэлийиэхтээх диэн уодаЇыннаах билгэлээЇиҥҥэ бу бастакы хардыы оҥоЇулунна диэн сабаҕалыыбын.
Оҕолорбут, сиэннэрбит төрөөбүт тылларынан үөрэнэллэригэр, саҥаралларыгар, мин - сахабын диэн киэн туттан этэллэригэр сөптөөх усулуобуйа куорат сирдэргэ хаЇан тэриллиэй? Сүүрбэччэ сыл усталаах-туоратыгар эҥинэ бэйэлээх быыбардарга кытынным ини, кыттыбатым ини, хор ол былаЇын тухары биир даҕаны (!) быыбардааччы депутакка эбэтэр баЇылыкка дураЇыйар кандидаттан ити ыйытыгы эттээн-сииннээн толорутук токоолоспутун отой өйдөөбөппүн.
ТэлгэЇэ таЇынааҕы кэпсээн, дьиэ иЇинээҕи айдаан буолар үгэстээх - ыырбыт, ычабыт оччо буолаахтаатаҕа. Халыҥ хайдыбат, суон тостубат диэн бэргэн этии элбэх ахсааннаах норуоттарга сыЇыаннаах. Төрөөбүт тылларын өрө туппат, ытыктаабат депутаттардаах омук өнүйүө, сир өтүө дуо?

Ермолай СКРЯБИН.
Покровскай куорат.